Нууц мэдээллийн уурхай

Барилгын материалын олборлолт, тээвэрлэлтийн талаар оролцогч талуудын уулзалт болов

Нийтэлсэн: 2019-07-18 09:54:35

 

Улсын Их Хурлын Байгаль орчин, хүнс хөдөө аж ахуйн байнгын хороо болон Өргөдлийн байнгын хорооны 2019 оны 04/01 дүгээр тогтоолоор нийслэлийн нутаг дэвсгэр дэх түгээмэл тархацтай ашигт малтмалын талаар авч хэрэгжүүлэх арга хэмжээг тогтоон, тодорхой асуудлуудаар Засгийн газарт чиглэл өгсөн.

Дээрх тогтоолын хэрэгжилтийг хангах, байгаль орчныг хамгаалах, орон нутгийн иргэдийн амьдрах орчны, жолооч нарын тээвэрлэлтийн аюулгүй байдлыг хангах зорилгоор нийслэлийн Байгаль орчны газраас төрийн захиргааны байгууллагууд, боловсрол, шинжлэх ухааны байгууллагууд, байгаль хамгаалах төрийн бус байгууллагууд болон барилгын материал олборлогч, үйлдвэрлэгч, тээвэрлэгчдийн эрх ашгийг хамгаалах мэргэжлийн холбоодыг оролцуулсан хэлэлцүүлгийг зохион байгууллаа.

Хэлэлцүүлгийн эхэнд Гол мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хуулийн биелэлтийг хангах ажлыг явцын мэдээллийг сонслоо. Нийслэлийн Иргэдийн Төлөөлөгчдийн Хурлын Тэргүүлэгчдийн 2016 оны “Улаанбаатар хотын усны эх үүсвэрийн хамгаалалтын бүсийг шинэчлэн тогтоох тухай” 50 дугаар тогтоолын 7 дугаар хавсралтаар батлагдсан усны сан бүхий газрын энгийн хамгаалалтын бүстэй давхцалтай 1857,18 га талбай бүхий 45 тусгай зөвшөөрлийг Нийслэлийн Засаг даргын 2017 оны А/609 дүгээр, 53,16 га талбай бүхий 1 тусгай зөвшөөрлийг 2019 оны А/540 дүгээр захирамжаар тус тус хүчингүй болгосны үр дүнд усны сан бүхий газрын энгийн хамгаалалтын бүстэй давхцалтай нийслэлийн нутаг дэвсгэрт олгогдсон түгээмэл тархацтай ашигт малтмалын хайгуулын болон ашиглалтын тусгай зөвшөөрөлгүй болсныг Нийслэлийн Байгаль орчны газраас мэдээлэв. Тухайн жилд уулын ажлын болон байгаль хамгаалах төлөвлөгөө батлуулан хуулийн дагуу ажиллах аж ахуйн нэгжүүдийн байршил, мэдээллийг орон нутгийн иргэд, мэргэжлийн холбоодод жил бүрийн 5 дугаар сард хүргүүлж байх, иргэн, аж ахуйн нэгжид идэвхтэн байгаль хамгаалагчийн эрх олгох, дээр дурдсан судалгаанд үндэслэн хууль бус олборлолтын талаарх мэдээллийг цагдаагийн болон мэргэжлийн хяналтын байгууллагад хүргүүлж байхаар талууд харилцан тохиролцлоо.

Нийслэлийн нутаг дэвсгэрт уулын дайрганаас хайрга гарган авах боломжийг судалж шийдвэрлэх асуудлаар “Бетон зуурмагт ордог элс дайрганы химийн стандарт” сэдвээр Карьер компанийн захирал, барилгын инженер Ж.Баяраа, Хайрга, дайрга олборлогчдын холбооны гүйцэтгэх захирал Б.Батжаргал мэдээлэл хийж, Шинжлэх ухаан технологийн их сургуулийн Хүрээлэн буй орчны инженерийн салбарын эрхлэгч доктор профессор С.Чулуунхуяг, Барилгын материал үйлдвэрлэгчдийн холбооны Улаанхүүхэн, Монголын Байгаль орчны иргэний зөвлөлийн Хяналтын хорооны дарга Ж.Ганбаатар, Бетон зуурмагийн холбооны тэргүүн Даваадорж нар байр сууриа илэрхийлж уулын дайрганаас хайрга гаргах боломж, өнөөдрийн ашиглаж буй барилгын материалын чанар стандартын шаардлага хангаж буй эсэх асуудлаар мэргэжлийн байгууллагуудын хэлэлцүүлгийг тусад нь зохион байгуулах нь зүйтэй гэж шийдвэрлэв. Түүнчлэн нийслэл хотын бүтээн байгуулалтад шаардлагатай түгээмэл тархацтай ашигт малтмал түүний дотор цахиурын агууламж өндөртэй элсний нөөцийг тодорхойлж, нөөц бүхий газруудыг дуудлага худалдаагаар ашиглуулах, “Барилга байгууламжийн ажилд хэрэглэх баяжуулсан элс, дайрга. Ширхэглэлийн химийн найрлага” MNS6713:2018 зөвлөмж стандартыг хэрэгжүүлэх, уулын дайргаас хайрга гаргах төхөөрөмжүүдийг татварын хөнгөлөлтөд хамруулах  зэрэг тодорхой саналууд гарсныг шинээр байгуулагдсан Хотын стандарт, орчны аюулгүй байдлын хяналт зохицуулалтын газарт уламжилж шийдвэрлүүлэхээр тогтов.

ХУД-ын 12, 13, 14 дүгээр хорооны нутаг дэвсгэрт явагдаж буй олборлолт, тээвэрлэлт болон Төв аймгийн Алтанбулаг сумаас түгээмэл тархацтай ашигт олборлон тээвэрлэж буй үйл ажиллагаанаас дуу чимээ, шороо тоос ихээр үүсэж тухайн хорооны оршин суугчдын аюулгүй, тайван орчинд амьдрах нөхцөл алдагдаж байгаа гомдол байнга гарч байгааг шийдвэрлэх зорилгоор тээвэрлэлтийн хугацаа, маршрутыг тогтоож өгөх санал гарлаа. Дүүргийн зүгээс өөрсдийн барьсан технологийн замаас хураамж авч, засвар үйлчилгээг нь сайжруулах боломж мэргэжлийн холбоодод байгаа болохыг, холбоодын зүгээс Нийслэлийн Засаг даргын 2016 оны А/520 дугаар захирамжийн дагуу автозамд ачааны машины бүх жинг 10 тонноор хязгаарлаж байгаагаас барилгын материал тээвэрлэх зорилгоор Улаанбаатар хотын хэмжээнд хамгийн өндөр өртгөөр барьсан Нисэхийн тойргоос Био, Шувуу чиглэлийн замыг ашиглуулахгүй, үүнээс үүдэн тоосжилт, шөнийн тээвэрлэлт ихээр явагдаж байгаа болохыг дурдлаа. Нийслэлийн Автозамын газраас тодруулга авсны дагуу Нийслэлийн Засаг даргын 2016 оны А/520 дугаар захирамжийн 1 дэх хэсгийн “... 10 тонноор хязгаарлах ...” гэснийг өөрчлөх санал боловсруулж өргөн мэдүүлэх, тээвэрлэлтийг засмал замаар гүйцэтгэхээр тогтлоо. Нийслэлийн Мэргэжлийн хяналтын газраас “Автотээврийн хэрэгслийн техникийн байдалд тавих ерөнхий шаардлага MNS:4598-2003” стандартыг чанд мөрдөх, хашлага давуулж ачилт хийснээс дайрга шороо зам дээр асгарч, замын эвдрэл үүсгэж байгаа болохыг мэргэжлийн холбоодод анхааруулж, уг байдлыг таслан зогсооход хамтран ажиллахыг хүслээ. Оролцогч талуудын харилцан зөвшөөрснөөр суурьшлын бүсэд түгээмэл тархацтай ашигт малтмалын тээвэрлэлт хийх хугацааг 08.00-22.00 цаг байхаар шийдвэрлэв.  

Нийслэлийн нутаг дэвсгэрт 2018 оны жилийн эцсийн байдлаар 1652,6 га талбай олборлолтын улмаас ухагдаж эвдэрсэн бөгөөд 2014-2018 онуудад 438,1 га талбайг орон нутгийн төсвийн болон аж ахуйн нэгжийн хөрөнгөөр нөхөн сэргээсэн байна. Нөхөн сэргээлтийн хэмжээ 2016 онтой харьцуулахад 2018 онд 4 дахин нэмэгдсэн боловч хуулийн дагуу тогтоогдсон нөөцөө бүрэн авсны дараа нөхөн сэргээлт хийх, нөөцийг сорчилж авахгүй байх зохицуулалт нь байгаль орчны холбоод, иргэдийн зүгээс ашигласан талбайдаа жил бүр нөхөн сэргээлт хийх шаардлагатай зөрчилддөг болохыг мэргэжлийн холбоодын зүгээс танилцуулж байлаа. Үүнтэй холбоотойгоор 2019 оноос эхлэн дүүргүүдийн саналын дагуу дүйцүүлэн хамгаалал хийх боломжуудыг бий болгосон талаараа зохион байгуулагчид танилцууллаа гэж Нийслэлийн Байгаль орчны газраас мэдээлэв.

Нийт сэтгэгдэл: 0
АНХААРУУЛГА

Уншигчдын бичсэн сэтгэгдэлд nuuts.mn хариуцлага хүлээхгүй болно. nuuts.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг nuuts.mn сайтад зочлон өөрийн санал бодлоо чөлөөтэй илэрхийлж байгаад баярлалаа.



Сэтгэгдэл бичих

Шинэ мэдээ

“Экспорт олон улсын худалдааны төв” -ийн гүйцэтгэх захирал "Д.Оюунбилэг: “Экспорт монголд” форум уул уурхайн бус бүтээгдэхүүнийг дэлхийд экспортлох зорилготой
Нийтэлсэн: 2019-10-16 16:06:43

 

-Эдийн засгаа солонгоруулах тухай олон жил ярилаа. Бүх нийтээрээ бодлогыг дэмждэг, ярьдаг. Гэтэл бодит байдал дээр үр дүн бага байгааг ихээхэн шүүмжилж байна. Шүүмжлэл нь нүдээ  олсон санагддаг. Тэгвэл экспортыг олон улсад, илүү олон сувгаар яаж тэлэх боло ..

Сэтгэгдэл бичих Цааш унших

Хотын Захирагч С.Амарсайхан Дэлхийн банкны зөвлөх багийн гишүүдийг хүлээн авч уулзлаа
Нийтэлсэн: 2019-10-16 14:43:58

 

Нийслэлийн Засаг дарга бөгөөд Улаанбаатар хотын Захирагч С.Амарсайхан өнөөдөр Дэлхийн банкны Газар, орон зайн зөвлөх багийн гишүүдийг хүлээн авч уулзлаа. Дэлхийн банкны Газар, орон зайн зөвлөх багийн гишүүд орон зайн мэдээллийн менежментийн нөхцөл байдлын ..

Сэтгэгдэл бичих Цааш унших

Сайжруулсан түлштэй холбоотой цаг үеийн мэдээллийг долоо хоногт хоёр удаа тогтмол мэдээлнэ
Нийтэлсэн: 2019-10-16 14:42:05

 

Нийслэлийн Онцгой комиссын хуралдаанаар сайжруулсан шахмал түлштэй холбоотой асуудлаар цаг үеийн мэдээллийг тогтмол хийхийг үүрэг болгосон. Үүний дагуу Нийслэлийн Онцгой байдлын газар, Нийслэлийн Мэргэжлийн хяналтын газар, Эрүүл мэндийн газар, Агаарын бохи ..

Сэтгэгдэл бичих Цааш унших

ГАДААД АЯЛЛЫН ҮЗЭСГЭЛЭН
Нийтэлсэн: 2019-10-16 10:20:26

 

ҮЗЭСГЭЛЭН ЗОХИОН БАЙГУУЛАГЧИЙН ТУХАЙ: Монголын Аялал Жуулчлалын Холбоо (МАЖХ) нь 1992 онд Монголын аялал жуулчлалын салбарт ажиллагсад болон анхны аялал жуулчлалын хувийн компаниудын санаачлагаар үүсгэн байгуулагдсан. МАЖХ нь гишүүдийнхээ эрх ашгийг хамгаа ..

Сэтгэгдэл бичих Цааш унших

Энэтхэгийн Засгийн газраас хэрэгжүүлсэн “ITEC хөтөлбөрт” 3500 гаруй ажилтан хамрагджээ
Нийтэлсэн: 2019-10-16 10:13:46

 

Энэтхэг улсын ЭСЯ-наас Энэтхэгийн тэргүүлэх боловсон хүчний бүрдүүлэгч хөтөлбөр болох Энэтхэгийн Техник, эдийн засгийн хамтын ажиллагааны хөтөлбөр /ITEC/ байгуулагдсаны 55 жилийн ойг “Блю Скай” зочид буудалд энэ сарын 14-нд тэмдэглэлээ.Энэтхэгийн Засгийн г ..

Сэтгэгдэл бичих Цааш унших

ХЯТАД, МОНГОЛ ХОЁР УЛС ДИПЛОМАТ ХАРИЛЦАА ТОГТООСНЫ 70 ЖИЛИЙН ОЙГООРОО ШИНЭ ЭРИН ҮЕТЭЙ ЗОЛГОЖ, ХОЁР УЛСЫН ХАРИЛЦААНЫ ГЭРЭЛТ ИРЭЭДҮЙГ ХАМТДАА БҮТЭЭЦГЭЭЕ
Нийтэлсэн: 2019-10-16 10:00:28

 

——БНХАУ-аас Монгол Улсад суугаа Онц бөгөөд бүрэн эрхт Элчин сайд Шин Хаймин 1949 оны 10-р сарын 16-нд Бүгд Найрамдах Хятад Ард Улс болон Монгол Улс албан ёсоор дипломат харилцаа тогтоосон. Дипломат харилцаа тогтоосноос хойш энэ 70 жилд, найрсаг х ..

Сэтгэгдэл бичих Цааш унших

НҮБ-ын Ерөнхий Ассамблейн 74 дүгээр чуулганы Нэгдүгээр хорооны Ерөнхий санал шүүмжлэлд үг хэлэв
Нийтэлсэн: 2019-10-16 09:33:32

 

НҮБ-ын Ерөнхий Ассамблейн 74 дүгээр чуулганы Нэгдүгээр хорооны Ерөнхий санал шүүмжлэлийн 10 дугаар сарын 14-ний өдрийн хуралдаанд Монгол Улсаас НҮБ-ын дэргэд суугаа Байнгын төлөөлөгчийн орлогч П.Баасанхүү оролцож, зэвсэг хураах, олон улсын аюулгүй байдлын ..

Сэтгэгдэл бичих Цааш унших

Хууль, тогтоолын төслүүдийг хэлэлцэхийг дэмжлээ
Нийтэлсэн: 2019-10-16 09:29:02

 

УИХ-ын Байгаль орчин, хүнс хөдөө аж ахуйн байнгын хорооны 2019 оны 10 дугаар сарын  15-ны өдрийн хуралдаанаар хоёр асуудал хэлэлцэн шийдвэрлэсэн.  Хуралдааны эхэнд Усны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн “Т ..

Сэтгэгдэл бичих Цааш унших

Хан-Уул дүүргийн 53 дугаар цэцэрлэгийн өргөтгөлийн барилга ашиглалтад орлоо
Нийтэлсэн: 2019-10-16 09:19:24

 

Хан-Уул дүүргийн нэгдүгээр хороонд 53 дугаар цэцэрлэгийн өргөтгөлийн барилга шинээр баригдаж өнөөдөр нээлтээ хийлээ.Улсын төсвийн хөрөнгө оруулалтаар 2018-2019 онд он дамжин баригдсан тус цэцэрлэгийн өргөтгөлийн барилга нь 150 хүүхдийн хүчин чадалтай, цэцэ ..

Сэтгэгдэл бичих Цааш унших

Нийслэлийн бүтээн байгуулалтын дээд шагналд нэр дэвшүүлэх сонгон шалгаруулалт эхэлээ
Нийтэлсэн: 2019-10-16 09:10:32

 

 Нийслэлийн Засаг даргын Тамгын газраас Улаанбаатар хотын эдийн засаг, нийгмийн хөгжилд үнэтэй хувь нэмэр оруулсан, оюун санааны хөгжилд шинэ жишиг авчирсан, олон улсын стандартад нийцсэн шилдэг бүтээн байгуулалтыг шалгаруулах “Нийслэлийн бүтээн байгуулалт ..

Сэтгэгдэл бичих Цааш унших