НУУЦ МАТЕРИАЛУУД: БАЯЛГИЙН ХУЛГАЙЧ
"Эрдэнэт үйлдвэр"ийн хоёрдугаар овоолгод түшиглэн боссон "Ачит Ихт" ХХК-ийн гидрометалургийн үйлдвэр 2014 оны долдугаар сард анх ажиллаж, зөвхөн туршилт тохируулгын гурван сарын хугацаандаа л гэхэд 1402.2 тонн катодын цэвэр зэсийг үйлдвэрлэж, 16,816,800,000 төгрөгийн борлуулалт хийв.
Гэтэл маш амжилттай ажиллаж байгаа тус үйлдвэрийг "Эрдэнэт үйлдвэр"-ээс томилогдон очсон ажлын хэсгийнхэн шалгаад "Ачит Ихт" ХХК бол маш өндөр эрсдэлтэй хамгийн муу төсөл байна. Энэ үйлдвэрийн 34 хувийг "Эрдэнэт үйлдвэр" эзэмших ямар ч шаардлагагүй гэдэг дүгнэлт гаргасан байдаг.
Энэ дүгнэлтээс үүдэж, 10 жилийн хугацаанд 1.6 их наяд төгрөгийн борлуулалт хийсэн "Ачит Ихт" ХХК-ийн 34 хувьд ногдох ашгийг Эрдэнэт үйлдвэр өөрөөр хэлбэл Монголын ард түмэн хүртэж чадсангүй.
Ард түмний баялгийг хулгайлсан энэхүү үйлдлийн ард хэн нуугдаж байсныг энэхүү нэвтрүүлгээс үзнэ үү.