УИХ-ЫН ГИШҮҮН Б.ПҮРЭВДОРЖ: 7 Монголыг хил дээрээсээ буцаавал 7 Солонгосыг хил дээрээсээ буцаа

Монгол Улсын иргэдийг БНСУ-ийн хилийн шалганыхан хоногт 20-40-өөр нь буцаадаг, Монголын иргэнтэй ялтан мэт харьцдаг ноцтой асуудал туйлдаа хүрээд байгаа.

Харин энэ асуудлыг цэгцлэх гарц шийдлийг УИХ-ын гишүүн Б.Пүрэвдорж хэлж байна.

Тэрбээр 2012-2016 оны хооронд Гадаадын иргэн, харьяатын газрын даргаар ажиллаж байх үедээ Монгол Улсын иргэнийг Солонгосчууд хил дээрээс буцаах үед нь яг тийм тооны Солонгос иргэнийг Монгол хил дээрээс буцаах арга хэмжээг авч байж энэ асуудлыг цэгцэлсэн гэв.

Манай улс хөгжил буурай, ядуу дорой байж болох ч Монголын төр хүчтэй, төр шиг төр байж чадаж гэмээнэ аль ч улс манай улсын иргэдтэй ёс бус харьцахгүй гэв.